புறநானூற்றுடன் ஒரு புதன்

அகப்பாடல்கள் ஐந்திணை ஒழுக்கங்களைக் குறிப்பது போல, புற 

ஒழுக்கங்களைக் குறித்து அமைந்த பழங்கால வாய்பாட்டுப் பாடல் நமக்கு 

விளக்குகிறது.

// வெட்சி நிரைக்கவர்தல் மீட்டல் கரந்தையாம்

வட்கார்மேல் செல்வது வஞ்சியாம் - உட்கா

தெதிரூன்றல் காஞ்சி எயில்காத்தல் நொச்சி

அதுவளைத்த லாகு முழிஞை - அதிரப்

பொருவது தும்பையாம் போர்க்களத்து மிக்கோர்

செருவென் றதுவாகை யாம். //

இப்புற ஒழுக்கங்களை வெட்சி, கரந்தை, வஞ்சி, காஞ்சி, நொச்சி, உழிஞை, 

தும்பை, வாகை, என்ற எட்டுத் திணைகளாகக் குறிப்பிடுகின்றன. 

இதில் பாடாண், பொதுவியல், கைக்கிளை, பெருந்திணை ஆகிய திணைகளும்

அடங்கும். திணையின் உட்பிரிவு துறை எனப்படுகிறது.

புறப்பாடல்கள் புற ஒழுக்கங்களான போர்த்திறம், வள்ளல் தன்மை, மகளிர் 

மாண்பு, சான்றோர்களின் இயல்பு போன்றவற்றைக் குறிப்பிடுகின்றன.